Triangle(-verdau)
Bolboschoenus glaucus
Cyperaceae
Àutri noum : Liandro, Triangle.
Noms en français : Scirpe glauque, Souchet glauque.
Descripcioun :Aquéu triangle dóu gènre Bolboschoenus (planto nousado emé de lòngui fueio) trachis dins li canau, roubino e li limoun de ribiero. Fai gaire qu'es esta destria dóu triangle-marin en raport emé la formo de la grano. Subretout vèn pas dins li relarg mounte i'a de sau au contro dóu marin. Lis espigo soun pamens mai longo eici. Èi pu tihous de faire la diferènci emé Bolboschoenus laticarpus ; pèr acò fau regarda la formo de la grano e l'espessour de l'"exocarpus" (pu pichoto eici). Coumpara emé lou triangle-di-làrgi-fru que ié sèmblo proun.
Usanço :Se pòu gaubeja pèr la banastarié, mai avèn ges d'entresigne precis. Escriéure au site se n'en sabès mai. Li canard e lis auco manjon si boudougno.
Port : Grando erbo
Taio : 1 à 2 m
Fueio : costo paralèlo
Tipe bioulougico : Geoufite
Cicle bioulougico : Planto renadivo
Gènre : Bolboschoenus
Famiho : Cyperaceae
Ordre : Poales
Coulour de la flour :
Brunello
Petalo : ges
Ø (o loungour) enflourejado : 1 à 4 cm
Flourido : Printèms
- Estiéu
Sòu : Ca
Autour basso e auto : 0 à 900 m
Aparado : Noun
Mai à setèmbre
Liò : Ribiero
- Roubino
- Canau
Estànci : Termoumediterran à Mesoumediterran
Couroulougi : Paleousubretroupicalo
Ref. sc. : Bolboschoenus glaucus (Lam.) S.G.Sm., 1995
(= Scirpus glaucus Lam., 1791 )
Tesioun(-dis-Aup)
Thesium alpinum
Santalaceae
Nom en français : Thésium des Alpes.
Descripcioun :Lou tesioun-dis-Aup es uno planto de mountagno sènso péu que fai de pichòti mato de cambo primo, redo, mai o mens ramificado. Li fueio soun en long e primo peréu de 10 à 25 mm. Aquelo meno se destrìo dis àutri tesioun que fai de flour de 4 petalo. Lou fru èi dre (1 à 2 mm de larg), pourta pèr un pecou di pichoun.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Pichoto planto lignouso
Taio : 5 à 30 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Thesium
Famiho : Santalaceae
Ordre : Santalales
Coulour de la flour :
Blanco
Petalo : 4
Ø (o loungour) flour : 3 mm
Flourido : Printèms
- Estiéu
Sòu : Ca
Autour basso e auto :
Pancaro entresigna
Aparado : Noun
Jun à avoust
Liò : Tepiero seco
- Basso mountagno
- Mountagno mejano
- Auto mountagno
Estànci : Mountagnard à Aupen
Couroulougi : Éurasiatico-Cèntre-Ouèst
Ref. sc. : Thesium alpinum L., 1753
